2017-08-01 16:06:00

ЁШ МАТЕМАТИКЛАРИМИЗНИНГ ҲИНДИСТОНДАГИ ҒАЛАБАСИ

Жорий  йилнинг 25-31 июль кунлари Ҳиндистоннинг Лакхнау шаҳрида ўтказилган халқаро математика мусобақасида иштирок этган ўзбекистонлик ўқувчилар 2 та олтин, 2 та кумуш медални қўлга киритиб, умумжамоа  ҳисобида 2-ўринни эгаллашди.

Мазкур нуфузли мусобақада дунёнинг 41 та давлатидан ташриф буюрган ёш математикалар иштирок этган. Қувонарлиси, ушбу танловда тўртинчи марта қатнашаётган Ўзбекистон жамоаси жорий йилда илк маротаба 2 та олтин медални олишга муваффақ бўлишди.Бу ҳақда Халқ таълими вазирлиги Ахборот хизмати хабар бермоқда.

Жумладан, Бухоро вилояти Қоракўл туманидаги 1-сонли ихтисослаштирилган давлат умумтаълим мактабининг 7-синф ўқувчилари Дониёр Исмоилов, Севарахон Остоновалар индивидуал баҳсларда ўз иқтидорини намоён этиб олтин медални қўлга киритишган бўлса, ушбу мактабнинг 7-синф ўқувчиси Олимжон Олимов ва 8-синф синф ўқувчиси Исмоил Пўлатовлар эса  яккалик баҳсларда кумуш медалга сазовор бўлишди.

Шаҳноза АЛИМБОЕВА,

 “Туркистон-пресс”