2017-11-17 14:03:00

ЎФФ ВА ЯПОНИЯ ФУТБОЛ АССОЦИАЦИЯСИ ЎРТАСИДА КЕЛИШУВ ИМЗОЛАНДИ

2017 йил 17 ноябрь куни Ўзбекистон Футбол Федерацияси президенти Умид Аҳмаджонов Токио шаҳрида Япония Футбол Ассоциацияси президенти Ташима Кодзо билан расмий учрашув ўтказди. Бу ҳақда ЎФФ расмий сайти хабар бермоқда.

Учрашув давомида Ўзбекистон Футбол Федерацияси ва Япония Футбол Ассоцияцияси ўртасидаги ҳамкорлик ва алоқаларни мустаҳкамлаш бўйича келишувга эришилди.

Ушбу келишувасосида ҳар икки мамлакатнинг турли ёшдаги терма жамоалари ўртасида ўртоқлик ўйинларини ўтказиш, мусобақалар ва мавсумий йиғинларни ташкил этиш, ЎФФ ва ЯФА терма жамоалари мураббийлари ўртасида тажриба алмашишни йўлга қўйиш кўзда тутилган.

Шунингдек, Ўзбекистон Футбол Федерацияси ва Япония Футбол Ассоциацияси мураббийлари ва тиббиёт ходимлари учун ўқув семинарлари ташкил этиш, футбол академияси мураббийлари ва бошқарув ходимлари ўртасида билим ва тажрибаларни алмашиш, болалар футболи бўйича мураббийлик курсларини ташкил этиш борасида ҳам келишувга эришилди.

Фаррух АБДУҲАМИДОВ,

“Туркистон-пресс”