2017-12-06 11:35:00

АФҒОНИСТОН ПРЕЗИДЕНТИ БУХОРОГА КЕЛДИ

Мамлакатимизда расмий ташриф билан бўлиб турган Афғонистон Ислом Республикаси Президенти Муҳаммад Ашраф Ғани 6 декабрь куни Бухорога келди.

Олий мартабали меҳмонни Бухоро халқаро аэропортида Ўзбекистон Республикаси Бош вазири А.Арипов ва Бухоро вилояти ҳокими Ў.Барноев кутиб олди. 

Афғонистон Президенти Бухоро давлат университетида профессор-ўқитувчилар ва талабалар билан учрашади ва улар олдида маъруза килади. 

Куннинг иккинчи ярмида Президент Муҳаммад Ашраф Ғани бошчилигидаги делегация аъзолари Бухоронинг диққатга сазовор жойларини зиёрат қилади. 

Зиёдулла Жонибеков, ЎзА