2018-02-28 11:17:00

ТЕРМИЗДА ХАЛҚАРО ЁШЛАР ОРОМГОҲИ ТАШКИЛ ЭТИЛАДИ

Ўзбекистон ёшлар иттифоқининг халқаро ёшлар оромгоҳини ташкил этиш тўғрисидаги Ҳукумат қарори қабул қилинди. Бу ҳақида Адлия вазирлигининг Telegramдаги каналида маълум қилинди.

Унга кўра, Сурхондарё вилоятининг Термиз шаҳрида халқаро ёшлар оромгоҳи ташкил этилади.

Оромгоҳни сақлаш, жорий ва капитал таъмирлаш билан боғлиқ харажатлар Ўзбекистон ёшлар иттифоқини ривожлантириш жамғармаси маблағлари ва қонун ҳужжатларида тақиқланмаган бошқа манбалар ҳисобидан амалга оширилади.

Мавсумдан ташқари вақтда оромгоҳда Ўзбекистон ёшлар иттифоқи фаоллари иштирокида турли тадбирлар, фестиваллар, анжуманлар, семинарлар ва бошқа машғулотлар ўтказилади.

“Туркистон-пресс”