2018-05-23 18:07:54

ЁШЛАР ИТТИФОҚИ САМАРҚАНД ВИЛОЯТ КЕНГАШИГА ЯНГИ РАИС САЙЛАНДИ

Ўзбекистон Ёшлар иттифоқи Самарқанд вилояти кенгашининг 22 май куни ўтказилган йиғилишида Аслонов Абдулло Убайдуллоевич вилоят кенгаши раиси этиб сайланди. Бу ҳақда вилоят ҳокимлиги расмий сайти хабар берди.

Ушбу вазифада ишлаб келган Рустам Қобилов 2018 йил 16 апрелда Самарқанд вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланган эди.

1984 йилда Самарқанд туманида туғилган Абдулло Аслонов шу пайтгача Ўзбекистон Ёшлар иттифоқи Марказий кенгаши бўлим мудири вазифасида ишлаган.