2019-02-15

Самарқандда театрлар автобус билан таъминланди

Бугун мамлакатимизда шиддатли ислоҳотлар олиб борилаётгани, уларнинг натижаси одамларимиз турмуш тарзида, ўй-тафаккурида акс этаётгани барчамизни бирдек қувонтирмоқда.

Илгари хаёлимизга ҳам келмаган янгиланиш ва ўзгаришлар замирида эзгу ғоялар мужассам бўлмоқда. Айни пайтда бирор соҳа йўқки, у эътибордан, юксалишдан четда қолаётган бўлса.  Маданият ва санъат соҳасига қаратилаётган эътибор ҳам ижодкорлар зиммасидаги масъулиятни, ижтимоий бурчини теран ҳис этишга ундамоқда.

Самарқанд вилоятида фаолият олиб бораётган маданият ва санъат соҳасидаги ижодкорларнинг халқ билан учрашувини, чекка туманлардаги ижодий сафарлари, гастрол дастурларини ташкил этишга кўмаклашиш мақсадида вилоят ҳокимлиги ташаббуси билан вилоят мусиқали драма театри, вилоят қўғирчоқ театри, вилоят рус драма театри ҳамда Каттақўрғон шаҳар драма театрларига автобуслар олиб берилди.Бу ҳақда ҳокимлик расмий сайти хабар берди.

амжон БЕРДОНОВ,

“Туркистон-пресс”

Фото: turdimov.uz